قـــــل احـــبكـ ..!
قلها ثاني قل أحبك من جديد
قل وصرح واجهر بحبي معاك
لايهمك من عذول لك يبيد
ودي أسمع كلمتك وأسكن هواك
لا تخاف أهواك لي حبل الوريد
حبك بدمي وهجرانك هلاك
ما يهم اشرح وفضفض بالقصيد
وافهم إني ما أنقص من غلاك
كل خوفي تبتعد أدري عنيد
وادري إنك بالحنان الله كساك
لا تقول انساك في حبك ازيد
وما كتبت الشعر إلا في غلاك
وما عطيت القلب إلا لك أكيد
ولا أفكر يوم اتعمد اذاك
يا عسى ربي يحقق ما نريد
وما يمر الوقت في لحظة جفاك
هذا حبي لك يعبره النشيد
ولا تطيع القول من هذا وذاك
طيعني لا تكون عن قلبي بعيد
انت لي حاكم وانا بحبك ملاك
لا تهد اللي بنيته ولا تعيد
كسر خاطر من تعنى في رضاك
ادري أن العاطفة فيني تقيد
واشهد إني ضعت في عالم فضاك
بس أحبك قولها لي من جديد
الموضوع الأصلى من هنا: شبكة منتديات الكوت قـــــل احـــبكـ ..!
وانسى هم الكون وخله وراك
الرئيسية
