ايه اكتر خساره ممكن تخسرها فى حياتك؟

ا
ما هي أكبر خسارة ممكن أن تخسرها في حياتك ؟
سؤال اتسألى واحترت فى اجابته؟

اكيد كل واحد فينا اتعرض لخسارة اشياء كتير جدا
سواء شخص بيحبه او حد عزيز عليه او صديق كان غالى عليه اوى
واكيد كل واحد منا مر بحياته بلحظات قاسية
ناتجه عن فقدانه و خسارته لشيء عزيز وغالى على قلبه
سواء أكان من البشر أم من الأشياء الملموسة الى ليها مكان مميز فى قلبه
فى ناس يعتقد بأن أكبر خسارة يمكن اى حد يواجهها هي خسارة شخص يحبه ،
أو صديق يوده ويحيه ويديلوا وفائه ومنهم الى بيعتقد أن الخسارة الكبرى
هي خسارة النفس و الثقة بالنفس والاحساس بالحياه
بحيث يعتقد الانسان ان مفيش لزمه من وجوده فى الحياه

فياريت تناقشوا معايا

ما هي أكبر خسارة ممكن أن تخسرها في حياتك ؟

و الله دة يرجع لمدى حب الإنسان لحاجة وبعدين يفقدها
انا شخصيا من كتر ما بقيت اخسر حجات كتيرة ....معتش عندى ادنى إحساس باى خسارة ممكن اخسرها

بمعنى اوضح ....انا كل حاجة بخسرها
اقصد يعنى سؤالك دة يتسأل لواحد بيكسب حجات كتيرة فى حياتة لانة تلقائيا هيكون عندة حس بالخسارة

لكن السؤال دة يتسأل لواحد دائم الخسارة مش هيفيدك بأى حاجة

وانا اسف على الإطالة وعدم الإفادة

اكبر خساره
هيا
الاجاااااازه

الأهل

الأصدقاء

اكبر خسارة ممكن اخسرها
ان اخسر كرامتى

ميرسى جدا جدا على مروركم جميعا
وشكر خاص لأستاذنا الكبير سكاى على الافاده

بس انا من رئى ان اكبر خساره ممكن اى حد يخسرها هيا النفس
انه يخسر نفسه وكرامته قدام اى حد لان ساعتها مش هيكون ليه اى لزمه فى الحياه

وزى ما قولت يا سكاى ان الى متعود على الفقد مش يتسأل السؤال ده
لان اى حاجه هتكون عاديه
انما لو خسر نفسه اظن ان دى مش حاجه عاديه بالمره

على فكره دهمش رئى ده رئى .
رئى مايكى وانا اقتنعت بيه
((حقوق الملكيه الفكريه ههههههههههههه))

اممممممم

بالنسبه ليا مفيش حاجه بخسرها كل حاجه وليها بديل بترجع تاني اسمحلي يا سكااااي اول مره اعرف انك ضعيف اوي كده

الي بيخسر الإنسان الفاشل إنما الإنسان الناجح هو الي بيحول خسارته لربح سواء كان اتعلم منها
او فكر وخلى ليها بديل احسن منها بكتييييير

وبالنسبه لموضوع الكرامه والكلام ده فإنتي بتقولي حجات بتتخسر يعني بتروح من الإنسان بالغصب

انما الكرامه والنفس دي بتبقى فقد من الشخص نفسه هو الي خسرها

اسف على الإطاله وشكرا على الموضوع الجامد ده

لا ولا اطاله ولا حاجه وميرسى على مرورك
بس اسمحلى بالتعليق على كلامك

الى بيخسر مش لازم يكون انسان ضعيف لان ساعات القدر بيفجأنا بحاجات مش متوقعه
وفى نفس الوقت لازم نخسرها ومش ينفع نحتفظ بيها اكتر من كده وده مش بيكون ضعف
او من كتر ما هو بيحب الحاجه دى اوى وخسرها وحب حاجه تانيه وبرده خسرها ففعلا مش هيكون عنده اى احساس بالخساره بعد كده وهيبقى ده بالنسباله رضى بقضاء الله
وعلى فكره اى خساره مش احنا الى بنحولها لربح ده ربنا هو الى بيعوضنا عنها بالخير

انما الكرامه والنفس دي بتبقى فقد من الشخص نفسه هو الي خسرها
دى عندك حق فيها بس انا اقصد ان الانسان ممكن يكون بيضحى عشان حد ويقلل من نفسه بس مش اكتر

اسفه جدا على الاطاله

» اكتب اهم رسالة فى حياتك
» اكتب اهم رسالة فى حياتك
» لو كانت حياتك قصة فما هو عنوانها
» لو عرفت أن حياتك ح تنتهي بعد أسبوع لمين تعتذر؟؟؟
» ممكن تبادل اعلاني